GFA BOV Plejer tax-Xahar – Settembru 2025
John Alejandro Gonzalez Castillo: Għajnsielem
L-unur tal- BOV plejer tax-xahar tal-futbol Għawdxi għal Settembru ntrebaħ mill-
attakant ta’ Għajnsielem John Alejandro Gonzalez Castillo. Is-Sinjura Charmaine
Borg, maniġer tal-Bank of Valletta għar-Reġjun t’Għawdex, ipreżentat it-trofew tal-
BOV plejer tax-xahar waqt presentazzjoni li saret fl-uffiċju tal-Bank of Valletta fir-
Rabat Għawdex.
L-attakant mill-Venezuela Jhon Gonzalez, li ghandu 24 sena, nagħaqad ma’
Għajnsielem fil-bidu tal-istaġun u mill-ewwel logħbiet kellu kontribut importanti sabiex
Għajnsielem kienu r-rivelazzjoni tal-kampjonat billi kisbu tlett rebħiet mill-ewwel tlett
logħbiet u stabillixew post mal-isfidanti għar-rebħ tal-kampjonat. Matul Settembru
Għajnsielem bdew il-kampjonat b’rebħa ta’ 2-0 kontra Xagħra United u fit-tieni
logħba għelbu lil Nadur Youngsters bl-iskor ta’ 2-1, bil-gowl deċiżiv ikun skurjat minn
Jhon Gonxzales fit-80 minuta. Wara l-bidu b’saħtu li kellhom Għajnsielem fil-
kampjonat, issa qed jfittxu li għal kumplament tal-istaġun jżommu l-pass mat-timijiet
ta’ quddiem sabiex ikunu jistgħu jikompetu għall-unur ewlieni tal-futbol Għawdxui
Jhon Gonzalez għażel li l-kontribuzzjoni tal-Bank of Valletta marbuta ma’ dan l-unur
tmur lil-Fondazzjoni Arka.
GFA BOV Plejer tax-Xahar – Ottubru 2025
Brian Alejandro Parada: Xewkija Tigers FC
L-attakant mill-Arġentina ta’ Xewkija Tigers Brian Alejandro Parada rebaħ l-unur tal-
BOV plejer tax-xahar tal-futbol Għawdxi għal Ottubru. Parada irċieva t-trofew tal-
BOV plejer tax-xahar waqt presentazzjoni li saret fl-uffiċju tal-Bank of Valletta fir-
Rabat Għawdex mis-Sinjura Charmaine Borg, maniġer tal-Bank of Valletta għar-
Reġjun t’Għawdex.
Brian Parada, li għandu sitta u għoxrin sena, ngħaqad ma’ Xewkija Tigers fil-bidu
tal-elfejn erbgħa u għoxrin u matul iż-żmien li ilu magħhom kien l-iskor ewlieni tat-tim.
Matul ix-xahar ta’ Ottubru Xewkija Tigers kienu mpenjati f’żewġ logħbiet mill-
kampjonat BOV Gozo Football League tal-ewwel diviżjoni fejn kisbu żewġ rebħiet
biex baqgħu fl-ewwel post tal-klassifika u komplew jikonfermaw l-ambizzjonijiet
tagħhom li jisfidaw għar-rebħ tal-kampjonat li llhom ma jirbħu mill-2017.
Parada, kellu bidu tal-istaġun mill-aqwa. Fil-logħob ta’ Xewkija f’Ottubru huwa skorja
l-ewwel gowl fir-rebħa ta’ 5-1 kontra Xagħra United, f’logħba mir-raba gurnata tal-
kampjonat, u fil-logħba mis-sitt ġurnata skorja l-ewwel żewġ gowls fir-rebħa ta’ 3-1
kontra Nadur Youngsters. Permezz ta’ dawn it-tlett gowls f’żewġ logħbiet Parada
kompla jsaħħaħ postu bħala l-aqwa skorer tal-kampjonat.
Brian Alejandro Parada għażel li l-kontribuzzjoni tal-Bank of Valletta marbuta ma’
dan l-unur tmur lil-Fondazzjoni Arka.
GFA BOV Plejer tax-Xahar – Novembru 2025
Natal Cidley Severiano (Nenem): Kercem Ajax FC
Natal Cidley Severiano, attakant ta’ Kercem Ajax magħruf bħala Nenem, kien
magħżul bħala l-BOV plejer tax-xahar tal-futbol Għawdxi għal Novembru. It-trofew
tal-BOV plejer tax-xahar kien ippreżentat lil Nenem mis-Sinjura Charmaine Borg,
maniġer tal-Bank of Valletta għar-Reġjun t’Għawdex, fl-uffiċju tal-Bank of Valletta fir-
Rabat Għawdex
Nenem, li għandu ħamsa u għoxrin sena, ngħaqad ma’ Kerċem Ajax fil-bidu ta’ dan
l-istaġun wara li kien għadhom kemm kisbu l-promozzjoni. Kerċem bdew dan l-
istaġun b’ambizzjonijiet li jkunu kompetitivi fil-kompetizzjonijiet kolla iżda l-aktar bit-
tama li jkunu jistgħu jirbħu l-kampjonat wara erbgħin sena. Fl-ewwel parti tal-istaġun
Kerċem dehru li għandhom il-potenzjal li jilħqu l-ambizzjoni tagħhom fejn inkludew
grupp ta’ plejers ta’ kwalita f’kull dipartiment. Nenem qed ikollu rwol importanti sabiex
jgħin lit-tim iżomm post fost l-isfidanti ewlenin għall-unuri.
Matul Novembru Nenem kien protagonista fit-tim ta’ Kerċem li kienu mpenjati
f’erbgħa logħbiet minn tlett kompetizzjonijiet fejn kisbu riżultati imħalta. Kerċem
kienu eliminati mill-BOV GFA Cup minn Qala Saints bl-ghoti tal-penalties, wara li l-
logħba fi tmiem il-ħin barrani intemmet fi dro ta’ 2-2, iżda kisbu post fil-finali tal-
kompetizzjoni Knock Out tal-ewwel diviżjoni meta eleiminaw lil Xagħra United bl-
għoti tal-penalties fil-kwarti finali u kisbu rebħa ta’ 6-1 fis-semi finali kontra Xewkija
Togers. Fl-unika logħba mill-kampjonat BOV Gozo Football League tal-ewwel
diviżjoni li kellhom f’Novembru, Kerċem soffrew l-ewwel telfa fil-kampjonat meta sfaw
megħluba minn Qala Sainst bl-iskor ta’ 1-3.
Nenem għażel li l-kontribuzzjoni tal-Bank of Valletta marbuta ma’ dan l-unur tmur lil-
Fondazzjoni Arka.
0 Comments